پنجاب حکومت نے کاشتکاروں کو خوشخبری سنادی

اسلام آباد (نیوز ڈ یسک) وزیراعلیٰ پنجاب مریم نواز نے گندم کے کاشتکاروں کے لیے اہم ریلیف پیکیج کا اعلان کرتے ہوئے 6 ارب روپے مالیت کا باردانہ مفت فراہم کرنے کا فیصلہ کیا ہے،

جبکہ گندم کی خریداری 2500 روپے فی من کے حساب سے کرنے کی ہدایت بھی جاری کی ہے۔اس حوالے سے منعقدہ اجلاس میں طے پایا کہ رجسٹرڈ کسانوں کو خریداری مراکز سے فی ایکڑ 10 بوری باردانہ دیا جائے گا۔ مزید یہ کہ کسان کارڈ رکھنے والے کاشتکاروں سے گندم کی خریداری کو ترجیح دی جائے گی۔حکومت نے یہ بھی واضح کیا ہے کہ 2500 روپے فی من کے نرخ پر خریدی گئی گندم کی ادائیگی 72 گھنٹوں کے اندر کاشتکاروں کو یقینی بنائی جائے گی۔ اس عمل کی نگرانی کے لیے صوبائی اور ڈویژن سطح پر اسٹریٹجک مینجمنٹ کمیٹیاں قائم کر دی گئی ہیں۔علاوہ ازیں وزیراعلیٰ نے “ورک ود پنجاب گورنمنٹ” پروگرام کے آغاز کا بھی اعلان کیا، جس کے تحت زرعی گریجویٹس اور دیگر نوجوانوں کو انٹرن شپ کے مواقع فراہم کیے جائیں گے۔

مریم نواز کا کہنا تھا کہ حکومت کسانوں کو کسی بھی صورت نقصان نہیں ہونے دے گی اور زرعی شعبے کو مضبوط اور پائیدار بنیادوں پر ترقی دی جائے گی۔