لاہور (این این ائی) سعودی ائیرلائن 500سے زائد مسافروں کا سامان ریاض میں چھوڑ آئی ۔
تفصیلات کے مطابق مسافر پرواز SV 736سے ریاض سے لاہور پہنچے ہیں۔ مسافروں میں بڑی تعداد عمرہ زائرین کی ہے،ائیرلائن نے عمرہ زائرین اور مسافروں کو دو روز بعد لاہور ائیرپورٹ آکر سامان وصول کرنے کی ہدایت کی ہے۔ مسافروں کی بڑی تعداد پنجاب کے دوردراز شہروں سے تعلق رکھتی ہے۔ مسافروں کا کہنا ہے کہ ہم سینکڑوں میل سے واپس آکر کیسے سامان لیں گے۔ مسافروں نے ائیرلائن عملے سے شدید تلخ کلامی کی جس پر معاملہ اے ایس ایف تک جاپہنچا ہے جس کی تحقیقات جاری ہیں۔
PNP