بریانی کے بعد تربوز کھانے سے میاں، بیوی سمیت 2 بچیاں جاں بحق

اسلام آباد (نیوز ڈ یسک) بھارت کے شہر ممبئی میں مبینہ فوڈ پوائزننگ کے باعث ایک ہی خاندان کے چار افراد جان کی بازی ہار گئے۔

جاں بحق ہونے والوں میں میاں بیوی اور ان کی دو بیٹیاں شامل ہیں۔این ڈی ٹی وی کی رپورٹ کے مطابق پولیس نے بتایا کہ 40 سالہ عبداللہ عبدالقادر، ان کی 35 سالہ اہلیہ نسرین، 16 سالہ بیٹی عائشہ اور 13 سالہ زینب نے ہفتہ کی رات دیگر اہل خانہ کے ساتھ بریانی کھائی تھی۔رپورٹ کے مطابق رات تقریباً ایک بجے خاندان کے ان افراد نے تربوز بھی کھایا، جس کے چند گھنٹوں بعد ان کی طبیعت خراب ہونا شروع ہوگئی۔

صبح تقریباً پانچ بجے انہیں شدید قے اور دیگر طبی مسائل کا سامنا کرنا پڑا، جس پر پہلے مقامی ڈاکٹر سے رجوع کیا گیا۔ تاہم حالت مزید بگڑنے پر انہیں دوسرے اسپتال منتقل کیا گیا۔اسپتال ذرائع کے مطابق چاروں افراد دوران علاج دم توڑ گئے۔ علاج کرنے والے ڈاکٹر زید قریشی نے بتایا کہ متاثرین کو شدید قے اور اسہال کی شکایت تھی، جبکہ انہوں نے تربوز کھانے کا بھی ذکر کیا تھا۔