خواتین کرکٹرز چاہتی ہیں کہ وہاب ریاض زیادہ سے زیادہ ہمیں بولنگ کریں: عائشہ ظفر

پاکستان ویمن کرکٹ ٹیم کی بیٹر عائشہ ظفر کا کہنا ہے کہ 6 ماہ سے ورلڈ کپ کی تیاری کر رہے ہیں، کارکردگی اچھی رہے گی۔

لاہور میں پاکستان ویمن کرکٹ ٹیم کے کیمپ کے موقع پر میڈیا سے گفتگو کرتے ہوئے عائشہ ظفر نے کہا کہ زمبابوے کے خلاف سیریز سے اعتماد ملا ہے، ورلڈ کپ میں بھی اسی طرح کھیلیں گے۔

عائشہ ظفر نے کہا کہ مشکل ٹیموں سے مقابلہ ہے، ہر میچ پلان اور حریف کے مطابق کھیلیں گے۔

انہوں نے کہا کہ آئرلینڈ میں سہ ملکی سیریز سے ہمیں ورلڈ کپ سے قبل کنڈیشنز سے ہم آہنگ ہونے کا موقع ملے گا۔

عائشہ ظفر نے کہا کہ خواتین کرکٹرز چاہتی ہیں کہ وہاب ریاض زیادہ سے زیادہ ہمیں بولنگ کریں جس سے ہمیں فائدہ ہوگا، وہاب ریاض کی بولنگ کی وجہ سے ہمیں تیز بولنگ کی پریکٹس کا موقع مل رہا ہے۔

ان کا کہنا تھا کہ ڈاٹ بال کو کم کرنا، اسٹرائیک تبدیل کرنا اور پاور ہٹنگ کو بہتر کرنے کی بھرپور پریکٹس کی ہے۔