ہانیہ عامر کی ’شارٹ ہیئر گینگ‘میں انٹری نے مداحوں کو چونکا دیا، نیا روپ وائرل

پاکستانی شوبز انڈسٹری کی مقبول اداکارہ ہانیہ عامر نے بھی سجل علی اور صبور علی کی طرح اپنا ہیئر اسٹائل تبدیل کرتے ہوئے مختصر بالوں والا نیا لُک اختیار کرلیا، جس کے بعد سوشل میڈیا پر ان کی تصاویر تیزی سے وائرل ہو رہی ہیں۔

ہانیہ عامر نے اپنے انسٹاگرام اکاؤنٹ پر نئے ہیئر اسٹائل کے ساتھ تصاویر شیئر کیں، جن میں وہ منفرد انداز میں نظر آئیں۔ اداکارہ کے اس نئے روپ کو مداحوں کی جانب سے بے حد پسند کیا جا رہا ہے اور صارفین ان کی تعریف کرتے نہیں تھک رہے۔

اپنی پوسٹ میں ہانیہ عامر نے ہالی ووڈ اداکارہ میرل اسٹریپ کی ایک تصویر بھی شامل کی، جس میں وہ گرے پکسی ہیئر اسٹائل میں دکھائی دے رہی تھیں جبکہ تصویر پر فلم دی ڈیول ویئرز پرادا کا حوالہ بھی درج تھا۔ اداکارہ نے پوسٹ کے کیپشن میں دلچسپ انداز اپناتے ہوئے لکھا، ’’نفسیاتی طور پر دلچسپ‘‘۔

View this post on Instagram

ہانیہ کے اس نئے انداز پر شوبز شخصیات نے بھی ردعمل دیا۔ معروف میک اپ آرٹسٹ بابر ظہیر نے تبصرہ کرتے ہوئے لکھا کہ ’’لوو اٹ، تم بہت خوبصورت لگ رہی ہو‘‘ جبکہ اداکارہ زویا ناصر نے بھی ان کی خوبصورتی کی تعریف کی۔ موسیقار یونیرا نے بھی ہانیہ کی پوسٹ پر دلچسپ انداز میں ردعمل دیا۔

واضح رہے کہ اس سے قبل اداکارہ سجل علی نے بھی اچانک مختصر بالوں کے ساتھ اپنی تصاویر شیئر کرکے مداحوں کو حیران کردیا تھا۔ اس وقت کئی صارفین کا خیال تھا کہ شاید انہوں نے وِگ استعمال کی ہے۔ اب ہانیہ عامر کے نئے ہیئر اسٹائل کے بعد سوشل میڈیا پر ’’شارٹ ہیئر گینگ‘‘ کی بحث ایک بار پھر زور پکڑ گئی ہے۔

PNP