ہنگو: پولیس چوکی پر فتنہ الخوارج کے ڈرون حملے کا مقدمہ درج

ہنگو کی خزینہ بانڈہ پولیس چوکی پر فتنہ الخوارج کے دہشت گردوں کے ڈرون حملے کا مقدمہ ایس ایچ او کی مدعیت میں تھانہ سی ٹی ڈی کوہاٹ میں درج کر لیا گیا۔

 مقدمے میں کالعدم ٹی ٹی پی کے کارندوں کو نامزد کیا گیا ہے، جس میں دہشت گردی، قتل، اقداماتِ قتل، اغواء سمیت 16 دفعات شامل کی گئی ہیں۔

 ایف آئی آر میں کہا گیا ہے کہ فائرنگ کے تبادلے میں ڈی ایس پی دیار خان سمیت 10 پولیس اہلکار شہید اور 33 پولیس اہلکار زخمی ہوئے۔

متن کے مطابق پولیس کی جوابی کارروائی میں فتنہ الخورج کے 15 دہشت گرد ہلاک ہوئے، دہشت گردوں نے 3 بکتر بند سمیت سرکاری گاڑیوں اور املاک کو نقصان پہنچایا۔