بیجنگ:چینی وزارت خارجہ کی ترجمان ماؤ ننگ نے یومیہ پریس کانفرنس میں فرانسیسی صدر کے خارجہ امور کے مشیر کے دورہ چین کے بارے میں کہا کہ فرانسیسی صدر کے خارجہ امور کے مشیر جین کلاڈ بونارڈ کے دورہ چین کے دوران چینی وزیر خارجہ وانگ ای ان کے ساتھ چین فرانس اسٹریٹجک ڈائیلاگ کریں گے۔ فریقین دونوں سربراہان مملکت کے درمیان طے پانے والے اتفاق رائے پر عمل درآمد کے لیے اسٹریٹجک نوعیت کی بات چیت کریں گے، مختلف شعبوں میں چین فرانس تعاون کو گہرا کریں گے اور مشترکہ تشویش کے بین الاقوامی اور علاقائی امور پر تفصیلی تبادلہ خیال کریں گے۔
اس سال چین اور فرانس کے درمیان سفارتی تعلقات کے قیام کی 60 ویں سالگرہ ہے۔ رواں سال مئی میں صدر شی جن پھنگ کے دورہ فرانس کے دوران دونوں سربراہان مملکت کے درمیان طویل مدتی اور اعلی سطحی تبادلہ خیال سے چین فرانس اور چین یورپی یونین تعلقات کی ترقی کے لیے اسٹریٹجک رہنمائی فراہم کی گئی تھی۔ نومبر میں دونوں سربراہان مملکت نے برازیل کے شہر ریو ڈی جنیرو میں جی 20 سربراہ اجلاس کے موقع پر ایک بار پھر ملاقات کی اور چین فرانس اور چین یورپی یونین تعلقات کو مزید فروغ دینے پر اتفاق رائے قائم کیا۔
چین دونوں سربراہان مملکت کے درمیان طے پانے والے اتفاق رائے پر عمل درآمد کو آگے بڑھانے، سیاسی باہمی اعتماد کو مستحکم کرنے، عملی تعاون کو مضبوط بنانے، چین فرانس جامع اسٹریٹجک شراکت داری کو مسلسل گہرا کرنے، چین اور یورپی یونین کے تعلقات کی مضبوط اور مستحکم ترقی کی قیادت کرنے اور مشترکہ طور پر کثیرالجہتی کو برقرار رکھنے اور عالمی چیلنجوں سے نمٹنے کے لئے عنقریب ہونے والے مذاکرات کا منتظر ہے۔
