وائٹ ہاؤس ڈنر میں فائرنگ، حملہ آور کا چونکا دینے والا اعتراف سامنے آگیا

اسلام آباد (نیوز ڈ یسک) وائٹ ہاؤس کے قریب پیش آنے والے فائرنگ کے واقعے کے بعد امریکی سیکیورٹی ادارے ہائی الرٹ ہو گئے ہیں۔

اطلاعات کے مطابق حملہ آور نے کارروائی کے دوران تقریباً آٹھ گولیاں چلائیں، جس سے علاقے میں شدید خوف و ہراس پھیل گیا۔امریکی میڈیا کے مطابق واقعے میں زخمی ہونے والا ایک پولیس اہلکار طبی امداد کے بعد اسپتال سے فارغ کر دیا گیا ہے۔حکام کا کہنا ہے کہ ابتدائی تفتیش میں معلوم ہوا ہے کہ مشتبہ شخص کا کوئی ماضی کا مجرمانہ ریکارڈ سامنے نہیں آیا، جس کے باعث تحقیقات مزید پیچیدہ ہو گئی ہیں۔ایف بی آئی نے ملزم کے گھر کو گھیرے میں لے لیا ہے اور تلاشی کے لیے عدالتی وارنٹ حاصل کرنے کا انتظار کیا جا رہا ہے تاکہ مزید شواہد جمع کیے جا سکیں۔

امریکی اٹارنی جنرل کے مطابق حملہ آور زیادہ سے زیادہ نقصان پہنچانے کے ارادے سے آیا تھا۔میڈیا رپورٹس میں دعویٰ کیا گیا ہے کہ ملزم نے دورانِ تفتیش بتایا کہ اس کا اصل ہدف ڈونلڈ ٹرمپ تھے، جبکہ وہ ٹرمپ انتظامیہ کے دیگر حکام کو بھی نشانہ بنانا چاہتا تھا۔حکام نے واقعے کی مکمل چھان بین شروع کر دی ہے اور یہ جانچ جاری ہے کہ آیا یہ حملہ کسی منظم منصوبے کا حصہ تھا یا ایک فرد کا اکیلا اقدام۔