زمبابوے ویمن ون ڈے اور ٹی ٹوئنٹی اسکواڈ کراچی پہنچ گیا

زمبابوے ویمن ون ڈے اور ٹی ٹوئنٹی اسکواڈ کراچی پہنچ گیا، مہمان ٹیم کا یہ پاکستان کا پہلا دورہ ہے۔ 

پاکستان ویمن ٹیم کی منیجر عائشہ اشعر نے زمبابوے ویمن ٹیم کا استقبال کیا۔

پاکستان ویمن ٹیم اور زمبابوے ویمن ٹیم کل شام 6:30 بجے کراچی کے نیشنل بینک اسٹیڈیم میں پریکٹس کریں گی۔

دونوں ٹیموں کے درمیان تین ون ڈے اور اتنے ہی ٹی ٹوئنٹی میچز کی سیریز کھیلی جائے گی۔ 

ون ڈے میچز 4، 6 اور 9 مئی کو کھیلے جائیں گے جبکہ ٹی ٹوئنٹی سیریز کا آغاز 12 مئی سے ہوگا جہاں دوسرا مقابلہ 14 مئی اور تیسرا 15 مئی کو ہوگا۔ تمام میچز کراچی کے نیشنل اسٹیڈیم میں کھیلے جائیں گے۔