پی ٹی آئی ناراض اراکین اسمبلی کا گروپ کھل کر سامنے آ گیا

لاہور( پی این پی)خیبرپختونخواہ میں پاکستان تحریک انصاف ناراض اراکین صوبائی اسمبلی کا گروپ کھل کر سامنے آ گیا ۔

گروپ کے سینئررکن فضل الٰہی نے کہا ہے کہ جب تک وزیر اعلیٰ خیبر پختوانخواہ سمیت تمام وزرء ، اراکین قومی و صوبائی اسمبلی ،سینیٹرز ،ٹکٹ ہولڈرز اورپارٹی عہدیداران کنونش بلاکرقران پاک پرحلف نہیں دیتے کہ عمران خان کی رہائی کے لئے فلاں دن احتجاج ہوگا اور عمران خان کی رہائی تک واپسی نہیں ہو گی ہم کسی صورت بجٹ منظورنہیں ہونے دیں گے ۔نجی ٹی وی سے انٹر ویو میں گفتگو کرتے ہوئے انہوں نے کہا کہ پہلی دفعہ اللہ کی قسم اٹھاکرکہتاہوں ہمارے لیڈران عمران خان کے ساتھ مخلص نہیں ،علیمہ آپا کوکہاسینیٹ کاووٹ بڑا ہے یاعمران خان تو انہوں نے کہاخان ،جس میں میں نے کہا اتفاق نہیں کرتاکیونکہ سینیٹ کے لئے وزیر اعلیٰ افس میں سب سے قرآن پرحلف لیاگیا لیکن خان کی رہائی کے لئے حلف کیوں نہیں لے رہے ۔

رکن خیبر پختوانخواہ اسمبلی فضل الٰہی نے کہا کہ وزیراعلی خیبر پختوانخواہ مرکزی حکومت کا حکم ایسے مانتے ہیں جیسے وہ ان کے ماں باپ ہیں، وزیراعلی کی خفیہ ملاقاتیں عمران خان کی رہائی کے لئے زہر قاتل ہیں اور یہ بچگانہ حرکتیں کررہے ہیں،ہم35سے40کے درمیان ہیں اورمعاملات کو اس حد تک نہ لے جائیں کہ بجٹ پاس نہ ہو اورخیبر پختوانخواہ کی موجودہ حکومت کو جانا پڑے۔انہوںنے کہا کہ حلفیہ کہتاہوں کہ خیبرپختونخواہ میں کرپشن ہے،بیوروکریسی کرپشن کرتی ہے اورہماری بچگانہ کابینہ کو چاکلیٹ پکڑا دیتے ہیں جس سے بچے باباجانی کہنا شروع کردیتے ہیں،خیبر پختوانخواہ حکومت کی کارکردگی خاک ہونی ہے جہاں وزیرکہتا ہے میراڈپٹی کمشنر یاسیکرٹری غلط کام کررہاہے لیکن تبادلہ نہیں کرسکتا،ہمیں چاکلیٹ نہیں خان کی رہائی چاہیے۔