قائمہ کمیٹی خزانہ میں لگژری گاڑیوں کی امپورٹ پر اسپیشل ایکسائز ڈیوٹی کی تجویز زیر بحث

قومی اسمبلی کی قائمہ کمیٹی برائے خزانہ میں امپورٹڈ لگژری گاڑیوں کی امپورٹ پر اسپیشل ایکسائز ڈیوٹی کی تجویز زیر بحث آگئی۔

پی پی رہنما نوید قمر کی زیر صدارت ہونے والے اجلاس میں ایف بی آر حکام نے بتایا کہ 2000 سے 3000 سی سی لگژری گاڑیوں پر 40 فیصد اسپیشل ایکسائز ڈیوٹی عائد ہوگی۔

حکام نے مزید کہا کہ 3000 سے زائد سی سی لگژری گاڑیوں پر 41 فیصد اسپیشل ایکسائز ڈیوٹی لگے گی۔

ایف بی آر حکام کے مطابق قائمہ کمیٹی نے اسپیشل ایکسائز ڈیوٹی سے متعلق تجویز کی منظوری دے دی ہے۔