کراچی میں غیر ملکی مہمانوں کو لوٹنے والا ملزم پکڑا گیا

کراچی میں ترکیہ اور بنگلادیش سے آئے غیر ملکی مہمانوں کو لوٹنے میں ملوث ایک ملزم گرفتار جبکہ اس کا ساتھی فرار ہوگیا۔ 

ملزم کی گرفتاری لیاری عثمان آباد میں پولیس مقابلے کے بعد عمل میں آئی۔

خود کو پولیس اہلکار ظاہر کرنے والے ملزمان نے 9 اکتوبر کو بنگلادیش سے آئے افراد کو ڈرا دھمکا کر 52 ہزار 500 بنگلادیشی ٹکا لوٹ لیا۔

11 اکتوبر کو انہی ملزمان نے ترکیہ سے آئے 2 افراد سے 2 ہزار امریکی ڈالرز لوٹ لیے تھے۔