لاہور:سابق وفاقی وزیر ہمایوں اختر خان کی حلقہ این اے 97 میں سیاسی سرگرمیاں جاری ہیں۔
ہمایوں اختر خان نے اپنے بیان میں کہا کہ وفاق اور پنجاب حکومت صوبے کے پسماندہ اضلاع کی ترقی پر بھی توجہ دے، صوبے کے تمام اضلاع کے عوام بلا تفریق ترقی کے حقدار ہیں۔
اُنہوں نے کہا کہ حلقہ این اے 97 میں جو پسماندگی دیکھی ہے اس پر دل گرفتہ ہوں، ہم یہاں کے عوام کی آواز بنیں گے، دیرینہ مسائل حل کروائیں گے۔
سابق وفاقی وزیر نے کہا کہ حلقے کی عوام کو انکی محرومیوں کے ذمہ داروں سے سوال کرنا چاہیے۔
اُنہوں نے بتایا کہ ہماری کاوشوں سے مریدوالا انٹرچینج منظور ہوچکاا ہے، سیاست عوام کی خدمت اور دکھ درد میں شریک ہونے کا نام ہے۔
ہمایوں اختر خان نے یہ بھی کہا کہ حلقے کی عوام کے چھوٹے اور بڑے مسئلے کے حل کے لیے آواز اٹھا رہا ہوں۔
