مسلم لیگ (ق) ہمیشہ بچوں کے حقوق کی علمبردار رہی ہے: انجینئر مطیع اللہ خان کا خصوصی پیغام

پاکستان مسلم لیگ (ق) اسلام آباد کیپٹل کے سیکرٹری اطلاعات و نشریات انجینئر مطیع اللہ خان نے World Children’s day کے موقع پر اپنے خصوصی پیغام میں کہا کہ بچے کسی بھی قوم کا مستقبل ہیں۔ان کی تعلیم، صحت اور تحفظ ہماری اولین ترجیح ہونی چاہیئے۔
انہوں نے کہا کہ پاکستان مسلم لیگ (ق) ہمیشہ بچوں کے حقوق کے تحفظ اور ان کی فلاح و بہبود کے لیے آواز بلند کرتی رہی ہے۔ یہ دن ہمیں یاد دلاتا ہے کہ معاشرے کی اصل ترقی اسی وقت ممکن ہے جب ہم اپنے بچوں کو محفوظ، تعلیم یافتہ اور خوشحال دیکھیں۔
انجینئر مطیع اللہ خان نے مزید کہا کہ حکومت اور اداروں کو چاہیے کہ بچوں کے لیے معیاری تعلیم اور صحت کی سہولیات کو یقینی بنائیں۔ بچوں پر تشدد، جبری مشقت اور استحصال کے خلاف سخت اقدامات کیے جائیں۔ والدین اور اساتذہ کو بچوں کی شخصیت سازی اور اخلاقی تربیت پر خصوصی توجہ دینی چاہیے۔
انہوں نے اس عزم کا اظہار کیا کہ پاکستان مسلم لیگ (ق) بچوں کے حقوق کے تحفظ کے لئے ہر فورم پر اپنی جدوجہد جاری رکھے گی اور ایک ایسا معاشرہ تشکیل دینے میں کردار ادا کرے گی جہاں ہر بچہ محفوظ، تعلیم یافتہ اور خوشحال زندگی گزار سکے۔