سعودی عرب نے اقامہ ہولڈرزحاجیوں کیلئے بھاری جرمانے اور سزاؤں کا اعلان کردیا

اسلام آباد ۰نیوز ڈیسک) سعودی عرب کی وزارت داخلہ نے بغیر اجازت حج ادا کرنے والے غیر ملکیوں کے خلاف سخت اقدامات کا اعلان کر دیا ہے،

جن میں بھاری جرمانے، ملک بدری اور طویل مدتی پابندیاں شامل ہیں۔وزارت کے مطابق وہ تمام اقامہ ہولڈر غیر ملکی جو بغیر پرمٹ مکہ مکرمہ میں داخل ہوتے، وہاں قیام کرتے یا ایامِ حج کے دوران پکڑے جاتے ہیں، ان پر 20 ہزار سے لے کر ایک لاکھ ریال تک جرمانہ عائد کیا جائے گا۔ اس کے ساتھ ساتھ ایسے افراد کو ملک سے نکالنے کے علاوہ آئندہ دس سال تک سعودی عرب میں داخلے سے بھی روکا جا سکتا ہے۔حکام نے مقامی شہریوں کو بھی خبردار کیا ہے کہ وہ کسی غیر قانونی سرگرمی میں معاونت سے گریز کریں، ورنہ ان کے خلاف بھی سخت قانونی کارروائی اور جرمانے کیے جائیں گے۔

وزارت داخلہ کا کہنا ہے کہ حج کے دوران حجاج کرام کی حفاظت اور نظم و ضبط کو یقینی بنانا اولین ترجیح ہے، اسی لیے سیکیورٹی انتظامات کو مزید مضبوط بنایا جا رہا ہے۔