ملک کے بیشتر حصوں میں آج بھی موسم شدید گرم رہنے کا امکان

محکمہ موسمیات کا کہنا ہے کہ ملک کے بیشتر علاقوں میں آج بھی موسم شدید گرم اور خشک رہے گا۔

گزشتہ روز ملک میں سب سے زیادہ درجہ حرارت سبّی میں 49 ڈگری سینٹی گریڈ ریکارڈ کیا گیا۔ دادو، جیکب آباد 48، تربت، موہنجو داڑو 47، سکھر، نوابشاہ، ڈیرہ غازی خان46، ملتان اور بہاولپور میں 45 سینٹی گریڈ رہا۔

محکمہ موسمیات کے مطابق لاہور 43، پشاور 42، اسلام آباد، مظفر آباد 40، کراچی، کوئٹہ37 اور گلگت میں زیادہ سے زیادہ درجہ حرارت 34 ڈگری سینٹی گریڈ ریکارڈ کیا گیا۔

محکمہ موسمیات کے مطابق شدید گرمی کی لہر 12 جون تک برقرار رہے گی۔