امریکی ایوانِ نمائندگان کی فیلڈ مارشل عاصم منیر سے ملاقات، علاقائی سیکیورٹی اور معاشی تعاون پر گفتگو

راولپنڈی: امریکی ایوانِ نمائندگان (ایوان زیریں) کے رکن مسٹر رایان کیتھ زِنکے اور مسٹر مائیکل جیمز نے جنرل ہیڈکوارٹرز (جی ایچ کیو) راولپنڈی کا دورہ کیا، جہاں انہوں نے فیلڈ مارشل سید عاصم منیر، چیف آف آرمی اسٹاف و چیف آف ڈیفنس فورسز سے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق ملاقات کے دوران باہمی دلچسپی کے امور، علاقائی سیکیورٹی کی صورتحال، دوطرفہ دفاعی تعاون اور معاشی شراکت داری کے فروغ پر تفصیلی تبادلہ خیال کیا گیا۔

فیلڈ مارشل نے پاکستان کی وسیع معاشی صلاحیتوں کو اجاگر کرتے ہوئے اس بات پر زور دیا کہ پائیدار علاقائی استحکام کا انحصار معاشی ترقی، تجارت کے فروغ اور علاقائی رابطوں سے منسلک ہے۔