پاکستان امریکا اقتصادی تعاون پر مذاکرات میں پیش رفت، معاملات کو حتمی شکل دینے پر اتفاق

پاکستان اور امریکا کے درمیان تجارتی و اقتصادی تعاون پر مذاکرات میں پیش رفت ہوئی ہے، دوطرفہ تجارتی فریم ورک کو جلد حتمی شکل دینے پر بھی اتفاق ہوگیا۔

وزیرِ خزانہ محمد اورنگ زیب نے امریکی تجارتی نمائندے جیمی سن گریر سے ورچوئل ملاقات کی اور امریکا کے ساتھ تجارت اور سرمایہ کاری کے فروغ پر زور دیا۔

اسلام آباد سے وزارتِ خزانہ کے مطابق دونوں ملکوں کے درمیان مضبوط تجارتی شراکت داری پاکستان کی برآمدات میں اضافے کا ذریعہ بنے گی۔

امریکی تجارتی نمائندے نے پاکستان کی لیبر اور ریگولیٹری اصلاحات کو سراہا اور جبری مشقت سے متعلق اصلاحات پر مبنی اقدامات پر امریکا نے اطمینان کا اظہار کیا اور کہا کہ باقی معاملات تکنیکی سطح پر مذاکرات سے حل کیے جائیں گے۔