شادی کی تاریخ نہ دینے پر منگیتر کی فائرنگ سے لڑکی جاں بحق

اسلام آباد (نیوز ڈ یسک)پشاور میں افسوسناک واقعہ پیش آیا جہاں شادی کی تاریخ مقرر نہ ہونے پر مبینہ طور پر منگیتر کی فائرنگ سے 22 سالہ لڑکی زندگی کی بازی ہار گئی۔

پولیس کے مطابق واقعہ گزشتہ شب پیش آیا، مقتولہ نادیہ اپنے ماموں، بھائی اور بھتیجے کے ہمراہ گھر سے نکلی تھی کہ ملزم عرفان نے اسے فائرنگ کا نشانہ بنا دیا۔گولیاں لگنے سے نادیہ شدید زخمی ہوگئی، جسے فوری طور پر طبی امداد کے لیے اسپتال منتقل کیا گیا، تاہم وہ دوران علاج زخموں کی تاب نہ لاتے ہوئے دم توڑ گئی۔پولیس کا کہنا ہے کہ فائرنگ کے بعد ملزم عرفان موقع سے فرار ہونے میں کامیاب ہوگیا۔ واقعے کا مقدمہ تھانہ پہاڑی پورہ میں درج کرلیا گیا ہے جبکہ ملزم کی گرفتاری کے لیے تلاش جاری ہے۔