چین کاروباری حلقوں میں اچھے حالات پیدا کرنے کے لئے امریکہ کے ساتھ مل کر کام کرنے کو تیار

بیجنگ(نیوزڈیسک)چین کے نائب وزیر تجارت وانگ شووین نے امریکی نائب وزیر تجارت لارگو کے ساتھ ویڈیو کال کی اور چین – امریکہ بزنس ورکنگ گروپ کے پہلے نائب وزارتی سطح کے اجلاس کی تیاریوں اور باہمی تشویش کے اقتصادی اور تجارتی امور پر گہرائی سے بات چیت کی۔
وانگ شووین نے کہا کہ چین اور امریکہ کے درمیان اقتصادی اور تجارتی تعاون دوطرفہ تعلقات میں استحکام کا باعث ہے۔ چینی فریق دونوں ممالک کے کاروباری حلقوں کے درمیان تعاون کے اچھے حالات پیدا کرنے کے لئے امریکہ کے ساتھ مل کر کام کرنے کو تیار ہے۔ وانگ شووین نے چین میں سیمی کنڈکٹر اور کلاؤڈ سروسز پر امریکی پابندیوں، امریکہ میں چینی کمپنیوں کے ساتھ غیر منصفانہ سلوک اور فوٹو وولٹک پابندیوں پر بھی تشویش کا اظہار کیا۔