سینٹ انتخابات ،وزیر خارجہ اسحاق ڈار کے کاغذات نامزدگی جمع

اسلام آبا د(این این آئی)سینٹ انتخابات میں اسلام آباد سے ٹیکنوکریٹ کی نشست پر وزیر خارجہ اسحاق ڈار کے کاغذات نامزدگی جمع کر دیئے گئے ۔کاغذات نامزدگی لیگی رہنماؤں طارق فضل چوہدری، حنیف عباسی، انجم عقیل، انوشہ رحمان، نزہت صادق نے جمع کروائے ۔ طارق فضل چوہدری نے کہاکہ ٹیکنوکریٹ کی نشست پر اسحاق ڈار کے کاغذات جمع کروا دئیے ہیں۔صحافی نے سوال کیاکہ اسلام آباد سے جنرل نشست پر (ن )لیگ کا امیدوار الیکشن لڑے گا یا اتحادی جماعت کا؟ جس پر طارق فضل چوہدر ی نے کہاکہ اسلام آباد سے جنرل نشست پر امیدوار کا فیصلہ پارٹی قیادت کرے گی۔