ایران ،عرب لیگ اور یورپی یونین کا غزہ جنگ بندی معاہدے کا خیر مقدم
ایران کے پاسداران انقلاب نے غزہ میں طے پانے والے جنگ بندی کے معاہدے پر ایک بیان جاری کرتے ہوئے کہا کہ تنازع کا خاتمہ اور جنگ بندی فلسطین کے لیے ایک عظیم فتح اور اسرائیل کی ناکامی ہے۔ بیان میں اس بات پر زور دیا گیا کہ تحریک مزاحمت اب بھی موجود ہے اور فلسطین کی آزادی کے نصب العین کو آگے بڑھاتی رہے گی۔15 تاریخ کو، عرب لیگ نے جنگ بندی کے معاہدے کا خیرمقدم کرتے ہوئے ایک بیان جاری کیا اور تنازع کے دونوں فریقوں سے معاہدے کی شرائط کی سختی سے پابندی کرنے کا مطالبہ کیا۔ بیان میں یہ بھی کہا گیا ہے کہ معاہدے کو “غزہ پر اسرائیل کی جنگ کا حتمی خاتمہ کرنا چاہیے۔” اس کے علاوہ، یورپی کمیشن کی صدر ارسولا وان ڈیر لیین نے 15 تاریخ کی شام کو سوشل میڈیا پر کہا کہ جنگ بندی کے معاہدے نے “پورے خطےمیں امید پیدا کی ہے۔” یورپی یونین کی اعلیٰ نمائندہ برائے خارجہ امور اور سیکورٹی پالیسی کایا کالس نے کہا کہ یہ تشدد کے خاتمے کی طرف ایک “اہم، مثبت پیش رفت” ہے۔
