چین-یورپ مال بردار ٹرینیں کھلی عالمی معیشت کی ترقی کو تیز کرتی ہیں، چینی میڈیا

بیجنگ : اس سال کے پہلے دو ماہ میں، چین-یورپ مال بردار ٹرین سروس نے 3,501 ٹرینیں چلائیں اور 352،000 ٹی ای یوز کارگو کی نقل و حمل کی، جو کہ سال بہ سال بالترتیب 32 فیصد اور 25 فیصد کا اضافہ ہے۔ چائنا میڈیا گروپ کے تحت سی جی ٹی این کی جانب سے دنیا بھر کے نیٹیزنز کے درمیان کرائے گئے تازہ سروے کے مطابق 88.8 فیصد جواب دہندگان کا ماننا ہے کہ چائنا-یورپ مال بردار ٹرینیں اعلیٰ سطح کے کھلے پن کو فروغ دینے اور ایک کھلی عالمی معیشت کی تعمیر کے لیے چین کے پختہ عزم کو ظاہر کرتی ہیں۔ سروے میں 91.8 فیصد جواب دہندگان نے کہا کہ چین-یورپ مال بردار ٹرینوں نے چین-یورپ اقتصادی اور تجارتی تعاون کے لیے ایک نیا پلیٹ فارم فراہم کیا ہے۔ 82.7 فیصد جواب دہندگان کا خیال ہے کہ چین-یورپ مال بردار ٹرینوں نے عالمی اقتصادی بحالی میں مستحکم قوت محرکہ فراہم کی ہے۔ سروے میں 93.7 فیصد جواب دہندگان سمجھتے ہیں کہ چین-یورپ مال بردار ٹرینیں چین کی انتہائی بڑی مارکیٹ کی برتری اور دنیا کی دوسری سب سے بڑی معیشت کی ترقی کے امکانات کو مزید آگے بڑھائیں گی۔ 87.4 فیصد جواب دہندگان کا ماننا ہے کہ چین-یورپ مال بردار ٹرینوں نے اس روٹ سے منسلک ممالک میں انفراسٹرکچر کو اپ گریڈ کیا ہے اور روزگار کے مزید مواقع فراہم کیے ہیں۔ یہ سروے سی جی ٹی این کے انگریزی، ہسپانوی، فرانسیسی، عربی اور روسی پلیٹ فارمز پرکرایا گیا، جس میں 24 گھنٹوں کے اندر 9,128 نیٹیزنز نےحصہ لیا اور اپنی رائے کا اظہار کیا۔