بواؤ فورم  فائدہ مند تعاون کو فروغ دیتا ہے ، سابق وزیراعظم پاکستان 

بیجنگ :بواؤ فورم فار ایشیا  2026 کا سالانہ  اجلاس چین کے صوبہ  ہائی نان  کے  ساحلی قصبے  بواؤ  میں منعقد  ہوا ۔ فورم کے دوران، پاکستان کے سابق وزیراعظم  انوار الحق کاکڑ  نے   سی ایم جی کو ایک  خصوصی انٹرویو  دیا ۔انوار الحق کاکڑ  نے کہا کہ بواؤ  فورم فار ایشیا نے  گلوبل ساؤتھ    ممالک کے  بیانیے کو  مضبوط کرنے میں انتہائی اہم کردار ادا کیا ہے۔  بوآؤ  فورم فار ایشیا کے  قیام کے گزشتہ   25 سالوں  میں  اس  فورم نے مختلف شعبوں کی ترقی کے لیے فکری مدد فراہم کی ہے۔ ساتھ ہی یہ فورم مسلسل ترقی کرتے ہوئے   مزید  ذمہ دارانہ انداز میں عالمی امور میں زیادہ وسیع پیمانے پر کردار ادا کر رہا ہے۔سابق پاکستانی وزیر اعظم کا کہنا   تھاکہ چین نے  مشکل سے   خوشحالی حاصل کی ہے، ملک میں  مطلق غربت  کو ختم کیا ہے،  انسانی سماجی ترقی کی مثال قائم کی ہے، اور  اپنے  قریب ،دور  اور ممکنہ شراکت داروں کے لیے  قابل   تقلید تجربہ   فراہم  کیا ہے۔ان کا کہنا تھا کہ   بوآؤ  فورم فار ایشیا   مختلف ممالک اور مختلف تہذیبوں کے درمیان فائدہ مند تعاون  کی قیادت اور  اس کے فروغ  کے لیے کام کرتا رہا ہے  اور عالمی امور میں اپنا مؤثر کردار  ادا کر رہا ہے۔سی ایم جی کو دیے گئے  اس انٹرویو میں انہوں نے کہا کہ   موجودہ بین الاقوامی صورت حال  غیر مستحکم  ہے  اور ماحولیاتی بحران کے باعث توانائی  کی تبدیلی   کے پس منظر میں، بوآؤ  فورم فار ایشیا عالمی چیلنجز سے نمٹنے کے لیے کثیرالجہتی تعاون کے طریقوں پر غور کرنے کے لیے ایک بہترین پلیٹ فارم فراہم کرتا ہے۔