خیبرپختونخوا کے ملاکنڈ ڈویژن میں ایک اور غیر ملکی خاتون شادی کرنے کے لیے پہنچ گئیں جہاں نے سوات کے نوجوان احمد شاہ سے کورٹ میرج کر لی ۔
میڈیا رپورٹس کے مطابق تھائی لینڈ کی 44 سالہ خاتون تھانیارت ینتاست نے سوات آ کر نوجوان احمد شاہ سے کورٹ میرج کر لی ہے۔
تھانیارت ینتاست نوجوان احمد شاہ سے ملنے کے لیے ضلع سوات کے گاؤں چارباغ آئیں اور 21 برس کے احمد شاہ کے ساتھ کورٹ میرج کر لی۔44 سالہ خاتون نے اسلام قبول کرنے کے بعد مقامی عدالت میں نکاح کیا۔
مقامی پولیس کے مطابق دونوں کی دوستی سوشل میڈیا پر ہوئی تھی۔ تھائی خاتون کے پاس تمام سفری دستاویزات موجود ہیں اور وہ تین ماہ کے وزٹ پر پاکستان آئی ہیں۔
اہل خانہ کے مطابق نکاح کے بعد تھانیارت ینتاست اور احمد شاہ گھومنے پھرنے اسلام آباد گئے۔
جولائی میں سیما حیدر نامی پاکستانی خاتون نے ایک بھارتی شہری سے شادی کی تھی جس کے کچھ دن بعد باھرتی خاتون انجو اپنا ملک چھوڑ کر پاکستان آئیں اور انہوں نے اسلام قبول کرنے کے بعد نصر اللہ نامی نوجوان سے شادی کی۔
بھارت کے بعد ایک امریکی خاتون بھی پاکستانی نوجوان کی محبت میں دیر پہنچ گئی تھیں۔
