امریکی فوج کا بلیک ہاک ہیلی کاپٹرگر کر تباہ

امریکی ریاست کولوراڈو میں معمول کی تربیتی سرگرمی کے دوران امریکی فوج کا بلیک ہاک ہیلی کاپٹر حادثے کا شکار ہوگیا، تاہم ہیلی کاپٹر میں سوار چاروں اہلکار محفوظ رہے۔

امریکی حکام کے مطابق حادثہ 25 اگست 2026 کو ڈینور کے قریب گلپن کاؤنٹی میں تھوروڈن ماؤنٹین کے مشرقی علاقے میں پیش آیا۔ ہیلی کاپٹر معمول کی تربیتی پرواز کے دوران حادثے کا شکار ہوا۔

امریکی فوج کی اسپیشل آپریشنز ایوی ایشن کمانڈ نے واقعے کی تصدیق کرتے ہوئے بتایا کہ ہیلی کاپٹر میں 4 افراد موجود تھے اور حادثے کے نتیجے میں کسی اہلکار کے زخمی ہونے کی اطلاع نہیں ملی۔

A U.S. Army UH-60 Black Hawk helicopter has crashed in Colorado while carrying four crew members. The status of the crew and the cause of the crash are currently unknown. pic.twitter.com/0EWyqvLMqD

— OSINTWarfare (@OSINTWarfare) August 25, 2026

واقعے کے فوراً بعد امدادی ٹیمیں جائے وقوعہ پر پہنچ گئیں۔ حکام کے مطابق حادثے کے باعث قریبی آبادی کو بھی کسی قسم کا خطرہ لاحق نہیں ہوا، جبکہ ایندھن کے اخراج یا آگ لگنے کی بھی کوئی اطلاع سامنے نہیں آئی۔

حادثے کا شکار بلیک ہاک ہیلی کاپٹر فورٹ کیمبل، کینٹکی میں تعینات امریکی فوج کی 160ویں اسپیشل آپریشنز ایوی ایشن رجمنٹ سے منسلک تھا۔