ریحان طارق کو قبرستان میں پوڈکاسٹ ریکارڈ کرنا مہنگا پڑ گیا

پاکستانی صحافی ریحان طارق کو قبرستان میں پوڈکاسٹ ریکارڈ کرنا مہنگا پڑ گیا۔

پاکستانی میزبان ریحان طارق نے حال ہی میں قبرستان میں ایک خصوصی پوڈکاسٹ ریکارڈ کیا جس کی جھلک انہوں نے اپنی انسٹاگرام اسٹوری پر شیئر کی۔

پوڈکاسٹ میں قبرستانوں سے منسلک پراسرار واقعات، کالے جادو اور معجزات جیسے موضوعات پر گفتگو ہو گی، تاہم یہ قسط تاحال جاری نہیں ہوئی۔

قبروں کے درمیان پوڈکاسٹ ریکارڈ کرنے کی ویڈیو سوشل میڈیا پر وائرل ہوئی تو صارفین نے میزبان کو آڑے ہاتھوں لے لیا۔ ایک صارف نے سوال اٹھایا کہ کیا پوڈکاسٹ ریکارڈ کرنے کے لیے کوئی دوسری جگہ نہیں ملی؟ جبکہ دوسرے نے لکھا کہ کم از کم مرنے والوں کو تو سکون سے رہنے دیں۔

متعدد صارفین نے قبرستان میں پوڈکاسٹ ریکارڈ کرنے کو نامناسب اور بے حسی پر مبنی عمل قرار دیا۔