امیتابھ بچن نے ممبئی میں اپنے دفاتربھاری رقم کے عوض کرائے پر دے دیے
نامور بالی اسٹار امیتابھ بچن نے ممبئی میں اپنے آفسز کو بھاری رقم کے عوض کرائے پر دے دیے۔
امیتابھ بچن کا فلمی کیریئر دہائیوں پر مشتمل ہے، وہ ایک یا دو نہیں بلکہ بالی ووڈ کی متعدد کامیاب فلموں میں کام کرچکے ہیں۔
فلموں کے علاوہ انہوں نے پراپرٹی کے کاروبار میں بھی سرمایہ کاری کر رکھی ہے۔
بھارتی میڈیا کی رپورٹ کے مطابق امیتابھ بچن نے ممبئی کے علاقے اوشیوارا ریجن میں اپنے 4 دفاتر کرائے پر دے دیے۔
رپورٹ میں بتایا گیا کہ امیتابھ بچن کے یہ دفاتر 10 ہزار اسکوائر فٹ پر بنے ہوئے ہیں۔ انہوں نے یہ آفسز 2 کروڑ 7 لاکھ سالانہ کرائے پر دیے ہیں۔
علاوہ ازیں امیتابھ نے ان جائیدادوں کو کرائے پر دینے کے عوض ایک کروڑ 3 لاکھ سیکیورٹی ڈپازٹ بھی لے لیا۔
