بیجنگ(نیوزڈیسک)چائنا کوسٹ گارڈ کے ترجمان گان یو نےاپنے بیان میں کہا ہے کہ جمعرات کو بحیرہ جنوبی چین میں جزیرہ ہوانگ یان سے ملحقہ پانیوں میں غیر قانونی طور پر داخل ہونے والے فلپائن کے ایک بحری جہاز کو باہر نکال دیا گیا ہے۔ گان یو نے کہا کہ فلپائن کے بیورو برائے ماہی گیری و آبی وسائل کے جہاز 3005 نے سی سی جی کی جانب سے انتباہ کی کالز کو نظرانداز کیا لہذا اس صورتِ حال سے پیشہ ورانہ انداز میں اور قوانین کے مطابق نمٹا گیا اور جہاز کو چین کی سمندری حدود سے باہر نکال دیا گیا۔
ترجمان کا کہنا ہے کہ چین کا ردعمل پیشہ ورانہ تھا اور اپنی قومی خودمختاری اور سمندری حقوق و مفادات کے تحفظ کے لیے چین کے ارادے مضبوط ہیں۔
