رفح اور دیگر مقامات پر اسرائیلی حملے جاری، فلسطینی مسلح گروہوں کی جانب جوابی کارروائیاں

فلسطینی خبر رساں ادارے کی  اطلاع کے مطابق 9 تاریخ کی رات سے 10 مئی کی علی الصبح تک اسرائیلی فوج نے غزہ کی پٹی کے شمالی حصے میں غزہ شہر اور جبلیہ پناہ گزین کیمپ پر حملے کیے۔
اسرائیلی فورسز نے وسطی غزہ کی پٹی میں واقع النصریت پناہ گزین کیمپ پر بھی بمباری کی۔ غزہ کی پٹی کے جنوبی حصے میں واقع رفح   کے وسطی اور مشرقی علاقوں پر اسرائیلی افواج نے  دس مئی کی صبح سویرے گولہ باری کی اور بمباری کی۔
اسرائیلی دفاعی افواج کی جانب سے جاری ہونے والے بیان کے مطابق رفح کے مشرقی علاقے میں اسرائیلی فوج کا 162 واں ڈویژن فوجی کارروائیوں کا سلسلہ جاری رکھے ہوئے ہے۔ بیان کے مطابق اسرائیلی فورسز نے زیر زمین سرنگوں سے جڑے کئی شافٹ دریافت کیے ہیں۔ اب تک اسرائیلی افواج تقریباً 50 فلسطینی عسکریت پسندوں کو ہلاک کر چکی ہیں۔
ادھر  متعدد فلسطینی مسلح گروہوں نے سوشل میڈیا کے ذریعے غزہ کی پٹی کے کئی حصوں میں اسرائیلی افواج کے ساتھ اپنی لڑائیوں کے نتائج جاری کیے۔
فلسطینی نیشنل لبریشن موومنٹ (فتح) کے   الاقصیٰ شہدا بریگیڈ کے مطابق مسلح افراد نے مشرقی رفح اور نیٹ چاریم کوریڈور کے قریب اسرائیلی فوجیوں، فوجی گاڑیوں اور متعلقہ تنصیبات کو نشانہ بنانے کے لیے راکٹوں اور مارٹر کا استعمال کیا۔  حماس کے  قاسم بریگیڈ نے کہا ہے کہ وہ مشرقی رفح اور نیٹ چاریم کوریڈور کے علاوہ عسکریت پسند غزہ شہر کے علاقے زیتون میں بھی اسرائیلی افواج سے لڑ رہے ہیں۔ جبکہ فلسطینی جہاد کی مسلح شاخ قدس فورس کے مطابق غزہ شہر کے جنوب میں اسرائیلی افواج کو بھی گروپ کی جانب سے مارٹر گولوں سے نشانہ بنایا گیا۔