غزہ میں جنگ بندی کے مذاکرات کا نیا دور آج قطر کے دارالحکومت دوحہ میں منعقد ہوگا۔اطلاع کے مطابق شرکاء میں اسرائیل، قطر، امریکہ اور مصر کے حکام شامل ہیں لیکن فلسطینی اسلامی مزاحمتی تحریک (حماس) جنگ بندی مذاکرات میں شامل نہیں ہو گی۔
حماس کے سینئر عہدیدار سامی ابو زہری نے میڈیا کو انٹرویو دیتے ہوئے کہا کہ اگر حماس مذاکرات کے نئے دور میں شریک ہوتی ہے تو اسرائیل جنگ بندی کی نئی شرائط عائد کرے گا اور غزہ کی پٹی میں مزید قتل عام کرنے کے لیے مذاکرات کا استعمال کرے گا۔تاہم، انہوں نے یہ بھی کہا کہ حماس 2 جولائی کو طے پانے والے متفقہ معاہدے کی حمایت کرتی ہے، جو اقوام متحدہ کی سلامتی کونسل کی متعلقہ قراردادوں اور امریکہ کے سابقہ دعووں پر مبنی ہے۔ حماس اس جنگ بندی معاہدے پر عمل درآمد کو آگے بڑھانے کے لیے فوری طور پر مذاکرات شروع کرنے کے لیے تیار ہے۔
ذرائع کے حوالے سے بتایا گیا ہےکہ دوحہ میں مذاکرات کے نئے دور کے بعد متعلقہ ثالث حماس سے مشاورت کریں گے۔ زہری نے 14 تاریخ کو کہا کہ امید ہے کہ ثالث اسرائیل کی جانب سے "سنجیدہ جواب” لے کر بات چیت کریں گے۔ اگر اس کا ادراک ہوا تو حماس 15 تاریخ کے بعد ثالثین کے ساتھ بات چیت کرے گی۔
