لاہور: چوہدری برادران کے درمیان برف پگھل گئی اور چوہدری شجاعت سے پرویز الہی کی ملاقات ہوئی ہے۔
نجی ٹی وی کے مطابق لاہور میں مسلم لیگ (ق) کے سربراہ اور سابق وزیراعظم چودھری شجاعت حسین سابق وزیراعلیٰ پنجاب چوہدری پرویز الہیٰ کے درمیان ملاقات ہوئی جس میں چوہدری وجاہت حسین نے اہم کردار ادا کیا۔ ملاقات کیلیے چوہدری وجاہت نے پرویز الہی کو قائل کیا کہ چوہدری شجاعت آپ سے بڑے ہیں لہذا اُن کے پاس جائیں۔
چودھری شجاعت اور پرویز الہٰی نے ملاقات میں ایک دوسرے سے گلے شکوے کیے جبکہ دونوں نے ذاتی اور خاندانی سطح کے معاملات کو مل بیٹھ کر طے کرنے پر اتفاق کیا۔
ذرائع کے مطابق چوہدری برادران کی ملاقات میں صرف فیملی کے تعلقات میں بہتری پر بات ہوئی اور دونوں نے سیاسی بات چیت سے گریز کیا۔
