روس یوکرین امن مذاکرات یوکرین اور یورپ کی شمولیت کے بغیر نہیں چل سکتے، یورپی ممالک کےرہنما

نیویارک:وائٹ ہاؤس کی پریس سیکریٹری کیرولین لیوٹ نے کہا کہ امریکی صدر ڈونلڈ ٹرمپ اور ان کی ٹیم روس یوکرین تنازع کے خاتمے کے لیے روس اور یوکرین کے ساتھ مذاکرات جاری رکھنے پر توجہ مرکوز کیے ہوئے ہیں اور ٹرمپ کو یقین ہے کہ مذاکرات رواں ہفتے مکمل ہو سکتے ہیں۔
اسی روز متعدد یورپی ممالک کے رہنماؤں نے یوکرین کی حمایت کا اظہار کرتے ہوئے اس بات پر زور دیا کہ روس اور یوکرین کے درمیان تنازع کے خاتمے کے لیے کسی بھی مذاکراتی عمل میں یوکرین اور یورپ کی شرکت لازمی ہے۔ انہوں نےامریکہ پر زور دیا کہ وہ یورپ اور یوکرین کو مذاکرات کی میز سے باہر نہ کرے۔ ہسپانوی وزیر اعظم سانچیز نے 22 تاریخ کو کہا کہ یوکرین میں امن اور یورپ میں سلامتی کو "مسلط” نہیں کیا جاسکتا ، اور کسی بھی "منصفانہ اور دیرپا امن” کے لئے یوکرین اور یورپ کی شرکت لازمی ہے۔ یونانی وزیر اعظم کے دفتر نے 22 تاریخ کو کہا کہ یوکرین کی شرکت کے بغیر روس یوکرین تنازع کے خاتمے کے لئے امن فریم ورک تیار کرنا ناممکن ہوگا۔ جرمن چانسلر اولاف شولز نے کہا کہ یوکرین کو اپنے مستقبل کا فیصلہ خود کرنے کا حق ہونا چاہیے۔ جرمنی یوکرین کو تنہا نہیں چھوڑے گا، اور یوکرین "جرمنی پر اعتماد” کر سکتا ہے. ادھر برطانوی وزیر اعظم اسٹارمر نے یورپی کمیشن کی صدر ارسلا لیئن کے ساتھ فون پر بات چیت کے بعد ایک بیان جاری کیا، جس میں کہا گیا ہے کہ یوکرین کو روس یوکرین تنازع کے خاتمے کے لیے کسی بھی مذاکرات کا مرکزی رکن بننا چاہیے۔ برطانیہ اس بات پر اتفاق کرتا ہے کہ یورپ کو اجتماعی سلامتی کے مفاد کے لئے اقدامات اختیار کرنا چاہیئے۔