ہانگ ژو(شِنہوا)چین نے گزشتہ 20 برس میں 903 قومی وٹ لینڈ پارک قائم کئے۔
چین کے مشرقی صوبے ژےجیانگ کے شہر ہانگ ژو میں وٹ لینڈ کے تحفظ کے متعلق ایک بین الاقوامی سیمینار کے مطابق ان پارکوں نے 24لاکھ ہیکٹرز وٹ لینڈ کے تحفظ میں مدد کی ہے جو قومی جنگلی حیات کی اہم انواع کے لئے مناسب مسکن فراہم کرتے ہیں۔
سیمینار سے خطاب کرتے ہوئے چین کی جنگلات اور سبزہ زار کی قومی انتظامیہ (این ایف جی اے) کے نائب سربراہ یان ژین نے زور دیا کہ ملک نے طویل عرصے سے وٹ لینڈ کے تحفظ کو ترجیح دی ہے اور اس سلسلے میں مسلسل کوششیں کی ہیں۔
این ایف جی اے کے اعداد و شمار کے مطابق اب تک چین میں وٹ لینڈ کا مجموعی رقبہ 5کروڑ 63لاکھ50ہزار ہیکٹر ہے۔ ملک میں اس وقت بین الاقوامی اہمیت کے حامل وٹ لینڈز کی تعداد 82 ہے جو دنیا بھر میں سب سے زیادہ ہے۔
یان نے کہا کہ حیاتیاتی تحفظ اور بحالی کو بھی مضبوط کیا گیا ہے۔ قومی وٹ لینڈ کے تحفظ کے منصوبے کی بدولت 3لاکھ ہیکٹرز وٹ لینڈ کو بحال کیا گیا ہے۔
یان نے مزید کہا کہ چین نے بین الاقوامی مینگروو سنٹر قائم کیا ہے جو اس شعبے میں عالمی تعاون کو فروغ دینے کی کوششوں کا حصہ ہے اور عالمی وٹ لینڈ کے تحفظ کی کوششوں میں اپنا حصہ ڈال رہا ہے۔
