روسی وزارت دفاع نے بتایا کہ گزشتہ روز روسی فوج نے خارکیف اور ڈونیٹسک کے علاقوں میں دو بستیوں کا کنٹرول سنبھال لیا ہے۔ روسی فوج نے “اسکینڈر-ایم” بیلسٹک میزائل کا استعمال کرتے ہوئے خرسن اوبلاست کے علاقے ڈیویڈوف بروڈ میں یوکرینی فوجی کے تربیتی مقام پر حملہ کیا، جس میں 10 سے زائد فوجی گاڑیاں اور ڈرون انٹرسیپشن ڈیوائسز سے لیس ایئر ڈیفنس سسٹم تباہ ہو گیا، اور یوکرینی فوج کے 70 سے زائد اہلکار ہلاک ہوئے۔
یوکرین کی مسلح افواج کے جنرل اسٹاف نے 22 تاریخ کو جنگی رپورٹ جاری کرتے ہوئے کہا کہ گزشتہ روز فرنٹ لائن پر 171 جھڑپیں ہوئیں اور یوکرینی فوج نے متعدد محازوں پر روسی حملے کو پسپا کیا۔ علاوہ ازیں، یوکرینی فوج کے مطابق روسی فوج نے اسی دن اُس کے ایک میکانائزڈ بریگیڈ ٹریننگ مقام پر میزائل داغے، جس سے ایک درجن سے زیادہ ہلاکتیں ہوئیں۔ یوکرین کی مسلح افواج کے کمانڈر انچیف سرسکی نے حملہ آور دستوں کو بڑھانے کے منصوبوں کا اعلان کرتے ہوئے کہا کہ یوکرین کی فوج محض غیر متحرک دفاع تک محدود نہیں رہے گی ۔
