چین کا14واں پانچ سالہ منصوبہ : معدنیات کی دریافت کا ہدف قبل از وقت مکمل

بیجنگ :چین کی وزارت قدرتی وسائل کی رپورٹ کے مطابق، سال 2025 کی پہلی ششماہی میں چین کو اہم معدنی وسائل کی تلاش میں نمایاں کامیابیاں حاصل ہوئی ہیں۔ اس دوران نئے معدنی ذخائر کے 38 مقامات کی دریافت ہوئی، جو گزشتہ سال کی نسبت 31 فیصد زیادہ ہے، جن میں سے 25 مقامات میں درمیانے یا بڑے سائز کی کانیں شامل ہیں۔اسی دوران، نان آئل اور گیس معدنی وسائل کی تلاش میں قومی سرمایہ کاری میں اضافہ جاری رہا، اور 6.693 ارب یوآن کی سرمایہ کاری لگائی گئی جو سال بہ سال 23.9 فیصدکا اضافہ ہے. اب تک “14 ویں پانچ سالہ منصوبہ” میں معدنیات کی دریافت کا ہدف مقررہ وقت سے پہلے مکمل کر لیا گیاہے۔ ادھر چین کے قومی محکمہ ڈاک کی اطلاع کے مطابق “14 ویں پانچ سالہ منصوبے” پر نفاذ کے بعد سے ، چین کا ایکسپریس ڈلیوری کاروبار کا حجم لگاتار پانچ سالوں سے 100 بلین پیسس سے تجاوز کر گیا ہے۔ 9 جولائی تک ، چین کے ایکسپریس ڈلیوری کاروبار کا حجم اس سال 100 بلین پیسس سے تجاوز کر گیا ، جو 2024 کے مقابلے میں 35 دن آگے ہے۔ تاحال، چین میں کاؤنٹی سطح کے 1،200 سے زیادہ میل اور لاجسٹکس سروس سینٹرز اور گاؤں سطح کے 300،000 سے زیادہ مربوط اسٹیشن ہیں ، اور نسبتاً جامع دیہی ڈاک اور لاجسٹکس سسٹم تعمیر کیا گیا ہے۔