کراچی: پاکستان انٹرنیشنل میری ٹائم ایگزیبیشن اینڈ کانفرنس (PIMEC 2025) کا آغاز کراچی میں ہوا، جس میں دنیا بھر سے بحری امور کے ماہرین، صنعتکاروں اور پالیسی سازوں نے شرکت کی۔ اس عالمی تقریب میں جدید بحری ٹیکنالوجی، پائیداری اور تعاون کے مواقع پر تفصیلی گفتگو کی گئی۔
تقریب میں رومانیہ کی نمائندگی ڈپٹی چیف آف دی روما نین نیول فورسز ریئر ایڈمرل مارسل نیکولائے نے کی، جس سے دونوں ممالک کے درمیان بحری تعاون اور عالمی میری ٹائم سیکورٹی ڈائیلاگ کو مضبوط بنانے کے عزم کا اظہار ہوا۔
اس موقع پر رومانیہ کے نمائندوں نے چیف آف نیول اسٹاف ایڈمرل نوید اشرف، پاکستانی حکام اور اراکینِ پارلیمنٹ سے ملاقات کی اور پاک۔رومانیہ بحری تعاون، بندرگاہوں کی شراکت داری اور میری ٹائم انڈسٹری میں مشترکہ منصوبوں پر تبادلہ خیال کیا۔
رومانیہ کی نمائندگی کرنے والے وفد نے کہا کہ پاکستان اور رومانیہ کے درمیان بحری تربیت، ٹیکنالوجی کے تبادلے، بندرگاہوں کی ترقی، شپ بلڈنگ اور ماحول دوست شپنگ کے شعبوں میں تعاون کے وسیع مواقع موجود ہیں۔ انہوں نے کہا کہ رومانیہ کی پورٹ آف کنسٹانسا یورپ اور ایشیا کے درمیان قدرتی گیٹ وے کی حیثیت رکھتی ہے جبکہ پاکستان عرب سمندر میں اسٹریٹجک اہمیت رکھتا ہے۔
انہوں نے امید ظاہر کی کہ دونوں ممالک مل کر بحری رابطوں کو مزید مضبوط بنائیں گے، پائیدار تجارتی راستوں کو فروغ دیں گے اور دیرپا شراکت داری کو آگے بڑھائیں گے۔
پاکستان اور رومانیہ کے تجارتی تعلقات نئی بلندیوں کی جانب بڑھ رہے ہیں، سفیر ڈین اسٹوینیسکو