اسلام آباد :پاکستان میں رومانیہ کے سفیر ڈاکٹر ڈین اسٹوینیسکو نے کراچی کے معروف تجارتی ادارے کراچی چیمبر آف کامرس اینڈ انڈسٹری (KCCI) کے وفد سے اہم ملاقات کی۔ یہ ملاقات رومانیہ اور پاکستان کے درمیان اقتصادی و تجارتی تعاون کو مزید فروغ دینے اور دونوں ممالک کے کاروباری تعلقات کو نئے افق تک لے جانے کے سلسلے کی ایک اہم کڑی تھی۔
سفیر نے اس موقع پر کہا کہ پاکستان، خصوصاً سندھ اور کراچی، خطے میں ایک فعال صنعتی اور مالیاتی مرکز کی حیثیت رکھتا ہے۔ انہوں نے اس اعتماد کا اظہار کیا کہ دونوں ممالک کے درمیان بڑھتے ہوئے تعلقات نہ صرف دوطرفہ تجارت میں اضافے کا باعث بنیں گے بلکہ سرمایہ کاری، مشترکہ منصوبوں اور صنعتی تعاون کے نئے مواقع بھی پیدا کریں گے۔
ملاقات کے دوران دونوں فریقین نے اس عزم کا اظہار کیا کہ وہ دوطرفہ تجارت کو اگلے تین سال کے دوران تقریباً 250 ملین امریکی ڈالر سے بڑھا کر دگنا کرنے کی کوشش کریں گے۔ اس سلسلے میں کاروباری حلقوں کو قریب لانے، رومانیائی سرمایہ کاری کو پاکستان میں فروغ دینے اور مشترکہ بزنس و ٹیکنالوجی پارٹنرشپ کو بڑھانے پر اتفاق کیا گیا۔
پاکستان میں ’’رومینین کلچر ڈیز‘‘ کا آغاز، اسلام آباد، کراچی اور پشاور میں ثقافتی تقریبات