میرپور آزاد کشمیر:سابق ڈائریکٹر جنرل میرپور ڈویلپمنٹ اتھارٹی (MDA) و سابق چیئرمین ریڈ کریسنٹ، اعجاز رضا کو اوورسیز پاکستانی فاؤنڈیشن (OPF) کے چیئرمین سید قمر رضا کا ایڈوائزر مقرر کر دیا گیا ہے۔ اس اہم تقرری کا باقاعدہ نوٹیفکیشن بھی جاری کر دیا گیا ہے۔
اعجاز رضا کی میرپور ڈویلپمنٹ اتھارٹی میں خدمات خصوصاً شہر کی ترقی، شہری سہولیات میں بہتری، اور منصوبہ بندی کے نئے رجحانات متعارف کروانے کے حوالے سے قابلِ ذکر رہی ہیں۔ اسی طرح ریڈ کریسنٹ کے چیئرمین کی حیثیت سے انہوں نے فلاحی سرگرمیوں اور عوامی خدمت کے کئی منصوبے مؤثر انداز میں چلائے۔
چیئرمین او پی ایف سید قمر رضا نے ان کی انتظامی صلاحیتوں، تجربے اور اوورسیز پاکستانیوں کے مسائل سے آگاہی کو مدنظر رکھتے ہوئے انہیں اپنا ایڈوائزر مقرر کیا ہے۔ توقع کی جا رہی ہے کہ اعجاز رضا کی تعیناتی سے اوورسیز پاکستانیوں کی فلاح و بہبود، مسائل کے حل اور ادارے کی کارکردگی میں مزید بہتری آئے گی۔
نوٹیفکیشن کے اجراء کے بعد اعجاز رضا نے چیئرمین OPF کا شکریہ ادا کرتے ہوئے کہا کہ وہ دیارِ غیر میں بسنے والے پاکستانیوں کی سہولت اور ان کے مسائل کے حل کے لیے اپنی تمام تر صلاحیتیں بروئے کار لائیں گے۔
