امریکہ اپنے طرز عمل پر بضد رہا تو چین یقیناً جوابی اقدامات اٹھائےگا، چینی وزارت تجارت

بیجنگ(چائنہ ڈیسک) چین کی وزارت تجارت کے ترجمان نےامریکہ کی جانب سے ڈرون سیکٹر میں "غیر معتبر سپلائرز کی فہرست” میں توسیع پرتبصرہ کرتے ہوئے کہا کہ امریکہ نے نام نہاد "قومی سلامتی "کے بہانے تمام غیر ملکی ساختہ ڈرون سسٹمز اور ان کے اہم اجزاء کو "غیر معتبر سپلائرز کی فہرست” میں شامل کیا، جس کی چین سختی سے مخالفت کرتا ہے۔ حالیہ برسوں میں، امریکہ نے بار بار قومی سلامتی کے تصور کو وسعت دیتے ہوئے چینی کمپنیوں سمیت دیگر ممالک کی کمپنیوں کو دبانے کے لیے ریاستی طاقت کا استعمال کیا ہے۔ یہ منڈی کے بگاڑ اور یکطرفہ غنڈہ گردی کی ایک عام مثال ہے۔ ترجمان نے کہا کہ چین امریکہ پر زور دیتا ہے کہ وہ اپنے غلط طرز عمل کوبند کرتے ہوئے متعلقہ اقدامات کو فوری طور پر واپس لے۔ اگر امریکہ اپنے طرز عمل پر بضد رہا تو چین یقیناً چینی کاروباری اداروں کے جائز حقوق اور مفادات کے تحفظ کے لیے ضروری اقدامات اٹھائےگا۔