اسلام آباد:پاکستان مسلم لیگ (ق) اسلام آباد سٹی کے صدر ملک عمران نے بلدیاتی انتخابات کے لیے اپنے کاغذات نامزدگی جمع کرا دیے ہیں۔
اس موقع پر انہوں نے کہا کہ مسلم لیگ (ق) عوامی خدمت کے عزم کے ساتھ بلدیاتی انتخابات میں بھرپور حصہ لے گی۔ملک عمران نے مزید کہا کہ مسلم لیگ (ق) اسلام آباد کے شہریوں کو بہتر سہولیات، شفاف نظام اور عوامی نمائندگی فراہم کرنے کے لیے پرعزم ہے۔
پارٹی کی ترجیح عوامی خدمت، ترقیاتی منصوبوں کی تکمیل اور شہریوں کے مسائل کا فوری حل ہے۔ انہوں نے اس عزم کا اظہار کیا کہ مسلم لیگ (ق) اسلام آباد کے عوام کو ایک فعال اور ذمہ دار بلدیاتی نظام فراہم کرے گی، جو عوامی امنگوں کا حقیقی ترجمان ہوگا۔
