چین میں بدعنوانی کے خلاف قانون سازی کو فروغ دینے کے خلاف قانون بنایا جائے گا، ورک رپورٹ

بیجنگ :قومی عوامی کانگریس کی مستقل کمیٹی کی ورک رپورٹ کے مطابق چودہویں قومی عوامی کانگریس کے تیسرے اجلاس کے دوران نمائندوں کی طرف سے پیش کیے گئے 269 بلوں پر نظر ثانی کے بعد نمائندوں کو جواب دیا جا چکا ہے، جن میں سے قانون سازی سے متعلق 27 منصوبوں کو منظور کیا جاچکا ہے یا ان پر غور کے لیے انہیں پیش کیا گیا ہے، اور قانون سازی کے 50 منصوبوں کو قانون سازی کی منصوبہ بندی یا پروگرام میں شامل کیا گیا ہے۔ اجلاس کے دوران نمائندوں کی طرف سے پیش کی گئی 9160 تجاویز اور اجلاس کے بعد پیش کی گئی 150 تجاویز کو مکمل طور پر نمٹا دیا گیا ہے اور نمائندوں کو جواب دیا جاچکا ہے، جن میں 75.4 فیصد مسائل حل ہو چکے ہیں یا بتدریج حل ہونے کے قریب ہیں۔ورک رپورٹ سے ظاہر ہوتا ہے کہ ملک میں بدعنوانی کے خلاف قانون سازی کو فروغ دینے کے سلسلے میں اس سال سرحد پار بدعنوانی کے خلاف قانون بنایا جائے گا۔قومی عوامی کانگریس کی مستقل کمیٹی کی ورک رپورٹ سے یہ بھی ظاہر ہوتا ہے کہ عوامی فلاح و بہبود کی حفاظت کو مضبوط کرنے کے سلسلے میں اس سال ہیلتھ انشورنس کا قانون، بچوں کی دیکھ بھال کی خدمات کا قانون، سماجی امداد کا قانون، بیرون ملک چینی باشندوں کے حقوق کے تحفظ کا قانون، نیشنل فائر اینڈ ریسکیو کے اہلکاروں کا قانون، صنعتی کارکنوں کی تربیت و ترقی کا قانون تشکیل دیا جائے گا اور اساتذہ اور روڈ ٹریفک کے قوانین میں ترامیم کی جائیں گی۔