ہم تائیوان کے معاملے میں بیرونی مداخلت کی سختی سے مخالفت کرتے ہیں، چینی وزارت خارجہ

بیجنگ :چینی وزارت خارجہ کے ترجمان گو جیاکھون نے یومیہ پریس کانفرنس میں تائیوان کے حکام کے دورہ جاپان پر تبصرہ کرتے ہوئے کہا کہ تائیوان کی علیحدگی کے حصول اور جاپان میں اشتعال انگیز کارروائیوں میں ملوث ہونے کے ان کے مکروہ اقدامات قابل مذمت ہیں۔ چین جاپان کی جانب سے مسئلہ تائیوان پر کسی بھی قسم کی نام نہاد “پیش رفت” یا مداخلت کی کوشش کی سختی سے مخالفت کرتا ہے۔ ان کا کہنا تھا کہ جاپان کی جانب سے ایسی اشتعال انگیز سرگرمیوں کی سرپرستی اور غیر ذمہ دارانہ اقدامات کی قیمت چکانی پڑے گی، اور اس کے نتیجے میں پیدا ہونے والے تمام نتائج کی ذمہ داری جاپان پر عائد ہوگی۔ چین تائیوان کی علیحدگی پسند قوتوں کے خلاف سختی سے کریک ڈاؤن کرے گا، تائیوان کے مسئلے میں بیرونی مداخلت کی سختی سے مخالفت کرے گا، اور قومی خودمختاری، سلامتی اور علاقائی سالمیت کا بھرپور تحفظ کرے گا۔