چین کا کینیا کے ساتھ دوطرفہ تعاون کے فروغ پر زور

بیجنگ : چین کے نائب صدر ہان ژینگ نے   کینیا کے نائب صدر کِنڈیکی  کی دعوت پر کینیا کا دورہ کیا ۔جمعرات کے روز چینی میڈیا کے مطابق اس دوران انہوں نے نیروبی میں کینیا کے صدر ولیم روٹو سے ملاقات کی اور کینیا کی جانب سے چین کو زیرو ٹیرف کے تحت برآمد کی جانے والی مصنوعات کی نمائش اور چین۔کینیا تجارتی فورم میں شرکت کی اور خطاب کیا۔صدر روٹو سے ملاقات کے دوران ہان ژینگ نے کہا کہ رواں سال چین کے پندرہویں پانچ سالہ منصوبے کے آغاز کا سال ہے، جس کے پیش نظر چین اور کینیا کو اعلیٰ سطح کے سیاسی اعتماد کو مزید مستحکم کرنا چاہیے اور نئے دور میں چین۔کینیا ہم نصیب معاشرے کی بنیاد کو مضبوط بنانا چاہیے۔ انہوں نے تائیوان سمیت چین کے بنیادی مفادات سے متعلق امور پر کینیا کی حمایت پر شکریہ ادا کیا اور یقین دلایا کہ چین کینیا کی خودمختاری، سلامتی اور ترقیاتی مفادات کے تحفظ میں اپنی حمایت جاری رکھے گا۔ انہوں نے کہا کہ فریقین کو اعلیٰ معیار کے عملی تعاون کو مزید وسعت دینا چاہیے اور یکم مئی سے چین کی جانب سے 53 افریقی ممالک کو دی جانے والی مکمل زیرو ٹیرف سہولت سے بھرپور فائدہ اٹھانا چاہیے تاکہ مشترکہ طور پر جدیدیت کی راہ پر پیش رفت کو تیز کیا جا سکے۔ چین کینیا کی جانب سے ، چین کے پیش کردہ اہم تصورات اور انیشی ٹیوز کی حمایت کو سراہتا ہے اور کینیا کے ساتھ مل کر عالمی نظام کو مزید منصفانہ اور متوازن سمت میں آگے بڑھانے کا خواہاں ہے۔