آر ایل این جی کے ذخائر میں تیزی سے کمی، گیس بحران شدت اختیار کرگیا

اسلام آباد (نیوز ڈ یسک)ملک میں گیس بحران مزید سنگین ہو گیا ہے، کیونکہ آر ایل این جی کی عدم دستیابی کے باعث سپلائی شدید متاثر ہونے لگی ہے۔

نجی ٹی وی جیو نیوز کے مطابق سوئی ناردرن ذرائع کا کہنا ہے کہ آر ایل این جی کے دستیاب ذخائر تیزی سے کم ہو رہے ہیں، جس کے نتیجے میں بجلی گھروں اور کھاد کے شعبے کو گیس کی فراہمی انتہائی کم سطح پر پہنچ چکی ہے۔ذرائع کے مطابق گھریلو صارفین کے لیے بھی گیس کی ترسیل میں کمی کر دی گئی ہے، جس سے شہریوں کو مشکلات کا سامنا ہے۔اعداد و شمار کے مطابق روزانہ گیس سپلائی کم ہو کر 700 ملین کیوبک فٹ رہ گئی ہے،

جبکہ ایران امریکا کشیدگی سے قبل یہ مقدار تقریباً 1200 ملین کیوبک فٹ یومیہ تھی۔سوئی ناردرن ذرائع کا کہنا ہے کہ گیس کا شارٹ فال 600 ملین کیوبک فٹ سے بھی بڑھ چکا ہے۔دوسری جانب سوئی گیس حکام نے مؤقف اختیار کیا ہے کہ صارفین کو ناشتے، دوپہر اور رات کے کھانے کے اوقات میں مکمل گیس فراہم کی جا رہی ہے۔