فائنل میں شائقین نے کمال نظم و ضبط کا مظاہرہ کیا، محسن نقوی

چیئرمین پی سی بی محسن نقوی نے کہا ہے کہ فائنل میچ میں شائقین کرکٹ نے کمال نظم و ضبط اور زبردست جوش و خروش کا مظاہرہ کیا۔

ایک بیان میں انہوں نے کہا کہ شائقین نے دونوں ٹیموں کو دل کھول کر داد دی اور کھیل کو بھرپور انجوائے کیا۔

محسن نقوی کا کہنا تھا کہ مشکل ترین وقت تھا، لیکن اللّٰہ نے مدد کی، پی ایس ایل کا انعقاد اچھے انداز میں ہوا۔

انہوں نے بتایا کہ فائنل میں 32 ہزار 600 شائقین نے میچ دیکھا۔ اگلے سال پی ایس ایل میں نئے وینیوز کو بھی شامل کیا جائے گا۔

چیئرمین پی سی بی نے مزید کہا کہ وزیر اعظم سے کراؤڈ کی اجازت لینا مشکل تھا، وزیر اعظم چاہتے تھے کہ پیٹرول کا کم سے کم استعمال ہو۔