بابراعظم نے فٹنس مسائل سے نجات کے بعد پریکٹس کا آغاز کر دیا

پاکستان کرکٹ ٹیم کے بیٹر بابراعظم نے فٹنس مسائل سے نجات کے بعد پریکٹس کا آغاز کر دیا۔

ذرائع کے مطابق بابر اعظم نے ڈھاکا میں بیٹنگ کوچ  اسد شفیق کی نگرانی میں نیٹس پر بھرپور بیٹنگ پریکٹس کی، جبکہ ٹیم کے ٹرینر اور فزیو بھی اس موقع پر موجود تھے۔

پریکٹس سیشن کے دوران بابر اعظم نے وکٹوں کے درمیان دوڑ بھی بغیر کسی دشواری کے مکمل کی، جس سے ان کی بہتر فٹنس کا اندازہ لگایا جا رہا ہے۔

بابر اعظم گھٹنے کی تکلیف کے باعث بنگلادیش کے خلاف پہلا ٹیسٹ نہیں کھیل سکے۔ 

ذرائع کا کہنا ہے کہ بابر اعظم  سلہٹ میں کھیلے جانے والے دوسرے ٹیسٹ کے لیے دستیاب ہوں گے۔