ایرانی سفیر کی بنوں میں پولیس پر دہشت گرد حملے کی مذمت

پاکستان میں ایران کے سفیر رضا امیری مقدم نے بنوں کے فتح خیل پولیس پوسٹ پر دہشت گرد حملے کی شدید مذمت کی ہے۔

ایک بیان میں ایرانی سفیر نے کہا کہ بنوں کے فتح خیل پولیس پوسٹ پر دہشت گرد حملے کی شدید مذمت کرتے ہیں۔

انہوں نے کہا کہ ایرانی حکومت اور عوام کی جانب سے شہید 15 پولیس اہلکاروں کو خراجِ عقیدت پیش کرتے ہیں۔

رضا امیر مقدم نے پاکستان پولیس اور شہداء کے اہلخانہ سے دلی ہمدردی اور تعزیت کی اور زخمیوں کی جلد صحتیابی اور شہداء کےلیے جنت الفردوس میں اعلیٰ مقام کی دعا کی۔