انمول عرف پنکی کی قتل کے مقدمے میں گرفتاری ڈال دی گئی

منشیات کے الزام میں گرفتار ملزمہ انمول عرف پنکی کی قتل کے مقدمے میں گرفتاری ڈال دی گئی۔ 

بغدادی تھانے میں انمول کے خلاف قتل کا مقدمہ درج ہے جس میں پولیس حکام نے انمول عرف پنکی کی گرفتاری ڈال دی ہے۔

پولیس کی جانب سے جمعہ کو پنکی کو عدالت میں پیش کیا جائے گا۔

واضح رہے کہ  کوکین ڈیلر انمول عرف پنکی نے اپنے بھائیوں کے ساتھ مل کر کوکین سپلائی کا نیٹ ورک بنایا، انمول نے کوکین بنانے کا طریقہ انٹرنیٹ سے سیکھا اور باقاعدہ کوکین کا اپنا ایک برانڈ بنایا۔

پنکی نے شروع میں اپنے سابقہ شوہر کے ساتھ مل کر کوکین کا کام شروع کیا جو ایک وکیل تھا اور عالمی کوکین گینگ میں کام کرتا تھا۔