ملک بھر کی ضلعی عدلیہ میں 1153 عدالتیں غیر فعال، جسٹس اینڈ لاء کمیشن

لاء اینڈ جسٹس کمیشن نے ملک بھر میں ماتحت عدلیہ کے حوالے سے اعداد و شمار جاری کردیے۔ 

دستاویز کے مطابق ملک بھر کی ضلعی عدلیہ میں زیرِ التواء مقدمات کی تعداد 20 لاکھ سے تجاوز کر گئی ہے۔

ددستاویز کے مطابق ملک بھر کی ضلعی عدلیہ میں 1153 عدالتیں ججز کی عدم تعیناتی کے باعث غیر فعال ہیں۔ 

پنجاب میں 808، سندھ میں 89، بلوچستان میں 78، خیبر پختونخوا میں 149، اسلام آباد میں 29 عدالتیں ججز کی منتظر ہیں۔

پنجاب میں 648 فیملی اور سول ججز کی اسامیاں خالی ہیں۔ پشاور ہائی کورٹ کے زیرِ انتظام 126 سول اور فیملی عدالتیں ججز نہ ہونے کے باعث غیر فعال ہیں۔

سندھ میں سول اور فیملی ججز کی 70 جبکہ بلوچستان میں 58 اسامیاں تعیناتی کی منتظر ہیں۔

اسلام آباد میں 13 سول اور فیملی عدالتیں ججز نہ ہونے کے باعث غیر فعال ہیں۔